Monforte será a sede da XVI edición dos Xogos Autonómicos de Campo a Través de Special Olympics Galicia, onde participarán persoas con discapacidade procedentes de todo o territorio galego.

O alcalde desta localidade, Severino Rodríguez, acompañado do presidente de Special Olympics Galicia, Eladio Fernández, e dos representantes da asociación PRODEME, presentaron esta mañá o programa da competición ante a prensa. Durante o acto, o alcalde de Monforte puxo de manifesto o seu agradecemento á iniciativa destas asociacións, “a administración teríao moito máis difícil se non fose polo seu labor,” comentou. Ademais engadiu que o Concello sempre colabora de bo grao con este evento, “isto é unha colaboración obrigatoria. Independentemente doutros problemas, atender a estas persoas é primordial”.

Aínda non eres voluntario de Special Olympics Galicia? Queres saber o que significa ser voluntario da nosa entidade? Cáles son as actividades que organizamos e qué podes aportar ti?

Agora podes axudar a mellorar a calidade de vida das persoas con discapacidade intelectual mediante o deporte e o lecer, achegando ideas e desenvolvendo as túas habilidades, ao mesmo tempo que gozas conxuntamente de actividades de ocio e tempo libre en contornas normalizadas.

A continuación podes descargar o noso folleto con tódala información sobre as actividades nas que podes colaborar así como os pasos a seguir para poder facerte voluntario de Special Olympics Galicia.

TRÍPTICO VOLUNTARIADO 2013

CARTAZ  VOLUNTARIADO 2013